FIFA 13 available now!!

http://www.flipkart.com/game/l101/?cmpid=banner_games_fifa13fb

My recent article(16/09/12)

                                                Lo kal rawh U! Lalpa hnenah

                                                                                                   -Mangliankama, PO NMI

“Hawh U, tuihal apiangte u,tuiahte hian lo kal rawh u,tangka nei lote pawh; lo kal ula, uain leh hnutetui tangka pe lovin, a man pawh pe lovin lei rawh u. Chaw ni si lovah eng vangin nge tangka in sen? Puar leh fanna ni si lovah eng vangin nge in tha in sen? Ka thu ngun takin ngaithla ula, thil tha chu ei rawh u, in nunna chu thil thauvah chuan hlim rawhse. In beng rawh dawh ula, ka hnenah lo kal rawh u, ngaithla ula, tichuan in nunna chu a nung ang: Tin in hnenah kumkhaw thu ka thlung ang, Davida hnena khawngaihna tiam tlatte chu. ”- Isaia 55:1-3

Kan senior  fel tak tak, Pathian biak inkhawm thlahthlam ngai miah lo, a kul ataia inhmang thin, zir chhuak tawhte’n  an pass chhuah dawna an sawi fo thin chu,”Pathian hi dah hmasak ber tur a ni,a dawtah zirlai” tih hi a ni. Mahni remhriatna han hman mai chuan Inkhawmna vela inhmang nasa tan  lekha zirna hun a tlem bik tih mai a awl a ni. Mi tam zawk ngaihdan pawh a ni reng a ni. Amaherawhchu, tlang dang atanga thlir chuan heng mitinin  neih kan chak lekha thiamtheihna te,taihmakna te,tumruhna te,tluak tha te, hi tu hnen atanga kan dawn nge ni le? A chhanna dik awmchhun chu PATHIAN atangin a ni. Chutih Pathianin amah tana inhmang, amah tihtute hi mal a sawm lovang em ni?   Malsawm tehreng e, A malsawmna dawngin hei ,kan seniorte pawh kumtin an pass chhuak reng a ni.

Pathian biakna hmun leh hun tha nei thei tawh lova tihduhdahna tuar mek an pung chho zel a, sualna in ro a rel tan mek zel a ni. Keini helai NERIST hmuna degree nei tura rawn kal te hian kan vanneihzia hi inhrilh nawn ngai lovin I hre reng thin ang u. Inkhawmna hmun leh hun, a saptawng leh mizo tawngin, thawl takin kan nei thei a, kan venneih zia hi sawisen rual a ni lo a ni. He kan huntha neih hi tangkai takin hman I tum theuh ang u.

 Lalpa’n Israel te A hnen lamah lo kal tura a sawm ang khian keini pawh vawiinah hian min sawm a ni. Amah kan belh tlat a, a thu anga kan nun chuan kan kal sual ngai lovang a, thiantha min pe ang a, hlawhtling tura lo kal kan nih ang ngeiin , B.tech/B.SC degree chauh lo, thlarau lam pawh min chawm thauvin, kan tum ram min thlen ngei dawn a ni. Kan Pathian hi a rinawm a, a thutiam a sut ngai lo a ni. Pathian ngaihsak lem lova zirchhuak tam tak pawh an awm ang; heng te hian ringtu kan nih anga kan nundan tur, thlarau leh taksa a puitlinna tak tak,hi  an tlachham  thin a ni. Pathianin malsawmna hi a thu awi a,mahni tih tur tih a, rinawm taka a hnung zuitu te tan ruah angin a sur tir reng a ni. Amaherawhchu kan tih tur kan tih loh chuan malsawmna hi a tlawnin kan dawng ngai chuang lovang. 

Zirlai kan ni a, zirlai zir hi kan tihtur makmawh a ni. Member thar leh hlui te, kan zavaiin tan la thar leh ila, kan chin thin thil thalo te bansana,a tha zawngin infuih tawn sauh sauhvin, nun tharin nun tum ila, kan Pathian biak inkhawm thlahthlam lovin, kan kal chhan hlawhtlinna changa kan zirchhuah theuh  theih nan theihtawp tak meuh meuh I chhuah thar leh theuh ang u. Kan kal zelna turah duhsakna sangber kan in hlan nghal bawk e.

“thenkhat tih dan anga kan inkhawmte bansan lovin,infuih tawn zawk ang u; ni chu lo hnai telh telha in hriatin infuih tawn nasa lehzual sauh rawh u”-Hebrai 10:25

[/My article in NMI KANTU,a magazine of NMI]

Another beginning

This is my latest  made wallpaper